Allah’ın dinini təbliğ etmək, Quranla öyüd vermək, yaxşılığı əmr edib pislikdən çəkindirmək, Allah’ın ayələrini xatırlatmaq bunların hamısı dəvətdir və ən xeyirli, ən gözəl sözlərdir.Bütün bu sözləri deməkdəməqsəd Rəbbimizi razı etmək və qarşımızdakı insanın da Allah’ın razı olduğu əxlaqa yiyələnməsinə vəsilə olmaqdır. Məqsəd bu olduqda Allah’ı zikr etmək, gözəl əxlaqdan danışmaq və axirəti qazanmağa dəvət etmək kimibəzən insana qüsurlu cəhətləri ilə bağlı məsləhət vermək, Quran ayələri əsasında səhvlərini tənqid etmək, qorxub çəkinməsini xatırlatmaq da gözəl sözdür.

Gözəl sözə dəvət edilən, Quranla öyüd verilən, məhşər günü ilə qorxudulan və o gün bütün etdiklərinə görə mühakimə ediləcəkləri xatırladılan insanlar bundan sonra artıq dəvət olunduqları doğru yola əməl etməklə məsuldurlar. Çünki xəbərdar edilən insan artıq nəyin doğru, nəyin yalnış olduğunu öyrənən, beləliklə də, bunlara riayət etməkdə məsuliyyət daşıyan insandır.

Amma tarixən insanların böyük hissəsi bu məsuliyyətləri görməməzliyə vurmuşdur.Allah’ın ayələrini eşitdikləri halda, sanki heç eşitməyibmiş kimi yaşamağa davam etmiş, Quranda ifadə edildiyi kimi “...xəbərdar edildikləri şeylərdən pay almağı unutmuşlar…”(Maidə surəsi, 13).

YOXSA BOŞ VƏ FAYDASIZ SÖZƏ ƏMƏL ETMƏK?

Allah Quranın bir ayəsində iman gətirənlər haqqında“O kəslər ki, lağlağıdan üz döndərərlər” (Muminun surəsi, 3) deyə buyurmuşdur.Başqa bir ayədə də Allah “O kəslər ki, yalan yerə şahidlik etməz, faydasız bir şeylə rastlaşdıqları (lağlağı bir söhbət eşitdikləri) zaman onlardan üz çevirib vüqarla keçərlər” (Furqan surəsi, 72) sözlərilə möminlərin bu cür vəziyyətlə qarşılaşdıqda şərəf və ləyaqətlərindən keçmədiklərini və bu əxlaqda olan insanlarla uyuşmadıqlarını bildirmişdir.

Boş sözlərə aludə olub boş işlərlə vaxt itirmək cahil cəmiyyətdə tez-tez rast gəlinən haldır.Dünya həyatının mənfəətlərindən başqa böyük idealları olmayan bəzi insanlar bu səhvə tez-tez yol verirlər. Həyatını Allah’ın rizasını qazanmağa həsr etməyən bir insanın bütün gününü heç bir faydası olmayan verilişlərə baxaraq televizor qarşısında keçirmək, saatlarla davam edən mənasız telefon danışıqlarında ya da ev söhbətlərində kiçik-böyük hər şeydən şikayət edib mızıldamaq, qeybət etmək, insanların qüsurlarından danışmaq kimi məşğuliyyətlərlə vaxtını hədər etməsinə tez-tez rast gəlinir. Allah Quranın “Qəlbləri qəflət içində vaxt itirirlər…”(Ənbiya surəsi, 3) ayəsilə bu kəslərin dünya həyatı ilə əlaqədar işlərdə həvəslə başlarını qatdıqlarını bildirmişdir.

Allah Peyğəmbərimizin (s.ə.v.) yüksək şəxsiyyətinin və üstün əxlaqının təzahürü olaraq insanlarla daima gözəl rəftar etdiyini bildirmiş və onu bütün insanlara nümunə göstərmişdir.Bu gün də Müsəlmanlar insanları haqq yola dəvət edərkən Peyğəmbərimizin (s.ə.v.) mülayim, yumşaq, mərhəmətli, alicənab, xeyirxah üslubundan nümunə götürməlidirlər.